Ula Gagal Fokus (Jesaya 26:8)

Ula Gagal Fokus (Jesaya 26:8)

“PeratenNdu ikutken kami, Kam ngenca pengarapen kami. Kam ngenca sura-sura pusuh kami.” (Jesaya 26:8)



Sekalak filsuf Yunani gelarna Heraclitus ngataken, “Tak ada yang permanen kecuali perubahan”. Memang bas sada sisi katana e benar tapi labo kerina atan man kalak sierkiniteken. Ukuren doni sipermanen e perubahen tapi ukuren iman sipermanen e keleng ate Tuhan. Keleng ate Tuhan e la pernah berubah gia manusia lalap berubah-ubah, monce-once ukurna ngikutken peraten Tuhan. Keleng ate Tuhan e la tersibari ras la tersipati kita. Keadan tah situasi banci berubah ubah baik susah senang, tawa ngandung, teman imbang. Labo tiap wari kerina erdalan bagi ukurta. Melala saja keadaan sierbahanca kita mecek pusuh. Tapi apakah terjeng je ngenca? Keleng ate Tuhan lebih asa sie.

Ajaken nabi Jesaya sekalenda ngajuk kita segelah ula gagal fokus. Perubahen situasi labo e labo jadi tujun ras fokus utama geluhta tapi kubas peraten dingen sura-sura Tuhan. Kai gia terjadi arus sieteh maka e lit nge campur tangan Tuhan ije. Bagi nina Roma 8:28, “Sieteh makai bas kai pe Dibata erdahin guna kiniulin man kalak sierkeleng ate man baNa, e me kalak sienggo ipilih Dibata arah sura-suraNa”. Bahken ibas keadaan si la bagi ukurta e pe Tuhan sangana merancang hal simbelin man banta ras man doni enda. Emaka pas me nina Jesaya, “PeratenNdu ikutken kami, Kam ngenca pengarapen kami. Kam ngenca sura-sura pusuh kami” (Jes. 26:8). Terkadang Tuhan siakap lambat nampati kita tapi sada hal sipasti Tuhan la pernah terlambat nehken keleng ateNa. Emaka ula kai pe mengalihken perhatinta ibas meteh keleng ate ras sura-sura Tuhan. Tuhan ngenca. Tuhan saja. Amin.

 

Pertoton          : Pengasup kami tetap erpengarapen man baNdu Tuhan.

Pokok Pikiren  : Perubahen situasi bas geluhta la mengalihken fokusta kerna ndarami sura-sura Tuhan.

Pertoton safaat : Tim medis, keluarga korban Covid 19.


Pdt. Daud Sembiring

(GBKP Rg. Namorambe)

_____Klasis Medan Namorambe_____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba