Salah Alamat (Jesaya 2:22)

Salah Alamat (Jesaya 2:22)

“Emaka ulanai ernalem man manusia si ermasap-masap, sebab kai kin ergana ia?” (Jesaya 2:22)



Kai nge kira-kira terjadi bicara kita ngirim sada surat kirimen e salah alamat. Kuakap maksud ras tujunta labo tersehi. Singalokenca ras sinanggapisa berbeda bahken sasaren awal pe banci meleset bagi siipikirken. Mejile sura-sura tapi banci la maba kiniulin. Mungkin isi surat e enggo cukup berisi ras data-datana pe lengkap rikut ras pemindonna pe enggo jelas tapi sitek saja penulisen “alamat tujun” salah tulis, baik jelma siituju tah pe ingan tading. Contoh, surat man Kementrian Kesehatan padahal isina gelah pemerintah mperdiateken kegeluhen para petani. E pasti berubah kerina situasina. Uga ningen naggapisa adi sinanggapisa pe labo berkompeten bas bidang sinipindoken kita e gua itanggapi.

Nabi Jesaya enggo nuriken kerna kuja situhana manusia e ernalem. Manusia siermasap-masap e bene adi ernalem ka man siermasap-masap. Mungkin bas jam Jesaya e, manusia enggo melala prestasi siibangunna arah segi ekonomi, jabaten sosialna, rsd. Rencanana jangka pendek ras jangka panjangna pe enggo matang dingen terencana alu mehuli. Tempa lanai lit sikurangna. Prediksi kerina pasti berhasil. Dampakna manusia e enggo meganjang ukur ras enggo ernalem man prestasi ras prediksina. Lupa manusia e maka doni enda ermasap-masap. Ingan ernalem manusia e salah alamat kerna perayaken geluhna. Tujunna medoni denga.

Kerehen Tuhan erbahanca seisi doni enda la ngasup njaga kawali manusia. Erta, jabaten, ras bodyguard ta la ngasup njagai kita. Sanga kematen e reh maka seisi doni enda la ngasup njagai kesahta seakatan Tuhan simada kegeluhen. Nggeluh ras mateta Tuhan punana. Ula salah alamat ingan penalemen kita. “E maka ola ernalem man manusia siermasap-masap, sebab kai kin ergana ia?” Amin.

Pertoton                      : Ajar kami tetap ernalem man baNdu Tuhan.

Pokok Pikiren              : Ula ernalem man siermasap-masap tapi sitahan rasa lalap.

Pertoton safaat           :  Korupsi ibas Indonesia enda.


Pdt. Daud Sembiring

(GBKP Rg. Namorambe)

____Klasis Medan Namorambe_____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba