Pantun Karo “Nggeluh Bas Perjabun”
Pantun Karo
Nggeluh Bas Perjabun
_________________________________
Adi enggo kam ku kenjulu
Ulanai kam ku kenjahe
Adi kam enggo erjabu
Ulanai ternande-nande
Ku gulai batang sukat
Santanna tualang pirang
Adi rusur kam pagi rubat
La lit dame, jabu banci sirang
Adi lawes kam ku kerangen
Togeng siding adi erburu
Adi merampus pagi perbulangen
Saber megenggeng kam sidiberu
Lawes aku ku ajibuhara
Kubentasi sada kerangen
Adi merawa pagi ndehara
Minterlah kam surut, kam perbulangen
Ku baba cangkul ku sabah
Ku cameti kerina dukut
Kam duana sialem-alemen salah
Sope denga matawari sundut
Ku baba sabut ku tangkahen
Ku Kandibata baba rambutan
Adi serbut pagi man tangkelen
Ku Dibata kam ersukuten
Sumber: Pdt. Sada Kata Ginting & Pdt. E.P. Ginting, Peribahasa (Kuan-Kuanen) Karo
Leave a Reply