Liah Jadi Ulih (Roma 11:36)

Liah Jadi Ulih (Roma 11:36)

“Sebab kerina sinasa lit Dibata njadikenca, janah kerina e lit erdandanken Ia dingen man gunaNa. Terpujilah Dibata seh rasa lalap. Amin.” (Roma 11:36)



Bangsa Israel e me bangsa pilihen Dibata. Status enda lenga berubah seh genduari. Bangsa pilihen labo berarti pulah arah kelemahen ras kelebihen. Jatuh-bangunna sebage bangsa ras pribadi la pernah terlepas ibas rancangen Tuhan. Bas susah la pernah tadingken Tuhan, bas sikap pe Tuhan tetap negu bangsaNa. Bangsa Israel pernah nggejapken uga jadi budak i Mesir, pengembara padang gurun, Kerajaan si Makmur bahken pernah ibuang arah negerina jine. Kerina situasi, jatuh bangun silih berganti enda Israel arus keluar sebage “permenang” sebab melala pelajaren siibereken Tuhan ibas sie kerina. “Sebab kerina si nasa lit Dibata njadikenca, janah kerina e lit erkiteken IA dingen man guna-Na” (aya 36a). Sejarah kegeluhen bangsa-Na dalan Dibata nehken rencana-Na.

Sikap mekeng bangsa Israel tempa la pernah surut bas perdalanen kegeluhenna. Mekengna erbahanca gagal ia ngaloken keterkelinen arah Jesus Kristus e. Arah gagalna kepeken terbuka dalan Dibata guna bangsa sideban I babo doni enda ngaloken keterkelinen. Tapi labo berarti Tuhan enggo mencampakken, mbuang bangsa-Na e. Lang. Tuhan tetap mperhitungken ia bas keterkelinen. Emaka la lit alasen kai pe guna merendahken ia dingen peganjangken bana iadep-adepen Dibata. Bagi nina Paulus, “Terpujilah Dibata seh rasa lalap. Amin” (ayat 36b). Alamat pujin aruslah tetap man Tuhan.

Bas gagalta mungkin saja lit kalak sirulih, bage pe sebalikna. Tapi arus “Si eteh maka ibas kai pe Dibata erdahin guna kiniulin man kalak sierkeleng ate man ba-Na, eme kalak sienggo ipilih Dibata arah sura-sura-Na” (Roma 8:28). Erdalanlah tetap ibas dalan Tuhan dingen tetap andalken Tuhan ibas setiap langkah geluhta segelah liah e tetap jadi luah dingen ulih simehuli. Amin

Pertoton          : Pengasup kami tetap ngidah rancangen Tuhan.

Pokok Pikiren  : Tuhan ngasup mbuka dalan IA nehken keleng ate-Na.

Pertoton safaat : Pemilukada segelah mehuli bas perdalinenna.


Pdt. Daud Sembiring

(GBKP Rg. Namorambe)

____Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba