Pekan Keluarga Wari VII // Jabu Si Maba Dame (Miha 5:2-5a) // Pdt. Fenty E. Br Ginting, S.Th

Pekan Keluarga Wari VII // Jabu Si Maba Dame (Miha 5:2-5a) // Pdt. Fenty E. Br Ginting, S.Th


Invocation       : Juda me sincikep tungkat kinirajan, kesusurenna erkuasa she rasa lalap, bangsa-bangsa maba persembahen man bana, nembah alu erkemalangen I lebe-lebena (Kej. 49:10)

Ogen               : Lukas 2: 1-7

Kotbah            : Miha 5:2-5a

Tema               : Jabu Si Maba Dame


Latar belakang kondisi rakyat Juda i bas kitab Miha eme kalak si kebenen damai sejahtera. Sebagian besar kondisi e rehna erkiteken spiritual bangsa e lit ibas keterpuruken. Peminpin bangsa eda eme Raja Ahas si la tek man Dibata seh maka ibahanna patung-patung Baal man dibatana guna i sembah. Janah teptep wari melala perbahanen si melket si lakoken kalak enda seh maka nembeh ate Dibata seh erbahanca Dibata mpediat bangsa e terbuang ku negeri si la nandai Dibata (bnd.2 Kronika 28:23b).

La hanya spiritual saja kepeken la payo kepeken ibas segi sosial pe Juda lit ibas keterpuruken. Melala terjadi ketidakadilen, kesenjangen sosial, pemerasen ras perampasen seh erbahansa melala rakyat menderita. Kalak Juda kebenen damai sejahtera ras Dibata pe nghukum ia tapi labo kepeken hukumen si bereken Dibata enda seh rasa lalap, labo i pediatNa bangsa e lalap menderita sebab Dibata enggo erpadan tetap engkelengi ras setia man bangsaNa. Ibas rencana keselamaten si ibahan Dibata man bangsaNa, Dibata memang nghukum bangsa e sebab labo i pediatNa dosa ras kejahaten lalap lit i bas kegeluhen bangsaNa, kenca penghukumen ras teguran, keleng ateNa tetap iberekenNa. Keselamaten si enggo i rancang Dibata labo danci berubah erkiteken perbahanen manusia si la mehuli.

Erkiteken e maka lewat suruh-suruhenNa Dibata erpadan mereken damai sejahtra bakal reh (Mika 5:2-5a). Ibas ayat 4 ije me kata “Syalom” si nuduhken man Raja Damai si bakal reh ras Raja e me si merentah seh ku bas pusuh manusia ras kehadirenna si maba damai sejahtra ibas kegeluhen manusia. Ras kehadirenNa e maba manusia ku bas kemenangen amin reh percuban tah kesusahen i bas kegeluhen. Maka kerina  bangsa-bangsa pe reh erjimpuh ku lebe-lebeNa janah IA erkuasa seh rasa lalap (Kej.49:10). Kerehen Raja Dame e bagi enggo i  padanken eme ibas kalak Juda nari i kuta Betlehem arah kesusuren Daud.

Kinata ibas kegeluhen enda pe megati kita jumpa perbeben si erbahansa kita kebenen dame, subuk sirehna ibas negara, organisasi, kuta bagepe ibas keluarga. Banci jadi lit ije perubaten, penindasen, la siangkan, ras sidebanna si erbansa aru ateta bas geluh enda. Amin bage gia yakin lah maka Dibata labo atena meneken kita. Ate Tuhan kita tetap erpengarapen man baNa sebab kehadiran Yesus Kristus sebagai Raja Damai harus benar-benar si imani sebagai kalak Kristen. Persoalen geluh labo erbahan kita binasa tapi justru mendewasaken kita subuk secara spritual bagepe sosialta. Setiap jabu Kristen sienggo ngaloken Raja Dame e maka ia pe harus jadi pembawa damai man sekelewetna. Teridah min kemulian Kristus ibas kerina dampar geluhta subuk ibas pengerana, perbahanen, rikut pe ras perukuren. Enda silakoken ibas setiap pendahinta, ibas kutata, ibas organisasi, negara terlebih ibas keluarga. Ibas masuk kita ku minggu Adven ras Natal enda tetap min kita erlajar guna menikatken kualitas kinitekenta gelah kehadiran Kristus la sia-sia reh ku doni enda. Sibereken pusuh peratenta ipelimbarui gelah ngasup ndalanken sura-suraNa. Sebab kalak singasup maba damai mka ia me I kataken anak-anak Dibata (bnd. Mat. 5:9)


Pdt. Fenty E. Br Ginting, S.Th

(GBKP Rg. Bekala)

____Klasis Medan Namorambe____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba