Pekan Kebaktian Keluarga Ke III // Jabu Si Mejuah-Juah (Masmur 38:8-18) // Pdt. Jerri Karlo Tarigan, S.Th

Invocatio         : “O Temanku sikukelengi, ertoto aku gelah kai simehuli jadilah man bandu, janah mejuah- juahlah bai kueteh maka kegeluhen pertendindupe mehuli” (3 Joh. 1:2)

Ogen                : 1 Timotius 5:23

Kotbah             :  Masmur 38:8-18

Tema                : Jabu Si Mejuah-juah (Fokus kesehaten keluarga : Perukuren ras Kula)

PERLEBE

Adi sungkuni masing-masing kita, pasti setiap jabu (keluarga) ersura-sura maka kegeluhen jabuna e sehat ras berhasil. Berhasil i jenda menyangkut arti Mejuah-juah”, si identik kel ras bahagia, rukun, damai sejahtera, sukacita ras pe sehat.  Tapi jabu si mejuah-juah e labo banci reh entahpe tercipta dengan sendirina. Harus lit upayanta guna meraih entahpe najdiken jabunta jadi jabu si mejuah-juah. Sebab Melala kal idah kita jabu adi sin en arah ukuren materi ntah kebayaken berlimpah kel, tapi labo lit ije mejuha-juah, si erbanca la dame akap kerina isi jabu. Emaka uga carana gelah jabu e mejuah-juah enda me sendah sijadi oratenta.

PENJELASEN NATS

Jabu si Mejuah-juah Prinsip dasarna eme erkemalangen man Tuhan, e ulihna kesangapen (kebahagiaan). Perbulangen jadi kepala keluarga, jadi imam keluarga, pengayom; bagepe ndehara jadi penolong, pendidik, pengasuh keluarga (bd. Amsal 31:10-31). Erkemalangen man Tuhan berarti ngerana kerna “skala prioritas” si benar ija perbulangen, ndehara ras anak-anak harus ngelakoken tugas ras fungsina masing-masing alu benar. Skala prioritas ras fungsi enda ndai labo banci i tukar-tukar. Perbulangen engkelengi ndehara, ndehara tunduk (tidak mendominasi) nandangi perbulangenna. Sikap si e utama kel si i butuhken ibas mencapai keharmonisen ras keluarga si sehat.

Pemasmur ngangkai alu tuhu-tuhu kuga pentingna kesehaten e man bana. Enda me si iturikenna i bas Masmur 38 enda. Eme pertoton kerna kesehaten. Teridah i je maka pemasmur eme kalak si lit i bas keadaan sakit. Janah pinakit e enggo cukup mekelek i bas ia. Situasi si e situhuna mereken tekanen batin man bana. La terjeng suina pinakit e si arus ialakenna, tapi uga ka ia pe arus tetap erpengarapen man Dibata. Sabap megati kal reh kenca pinakit si mekelek e, pengarapen man Dibata pe reh urakna. I bas ayat 8 ikatakenna maka dagingku ngindet erkiteken pinakit, nuriken kuga suina iakapna erkiteken pinakit e. La ia banci ngelakoken kai pe erkiteken pinakit si lit i bas ia. Jadi lit dampak secara fisik ibahan pinakit e. Janah i bas ayat 9 ikatakenna tole nina: pusuhku getem, ndehereng aku ban suina. Pinakit e la kepe terjeng kula saja ngenca italukenna, tapi erdampak pe ku bas pusuh manusia. Pinakit e erbahansa maka pusuh e pe ikut ndehereng perbahan suina. Bage me situasi si igejapken pemasmur bas geluhna.

Ibas ayat 12 si idah uga tambah tole suina ituriken pemasmur sakit ibas kulana itambah sakit pusuhna erkiteken ipedauh teman-teman, merasa ikucilken seh maka mungkin menggangu pikirenna. Tapi pinakit simungkin mengganggu kula ras pikirenna la mengganggu pengarapenna ku Dibata, ayat 16-17 ibas kerina situasi sialamina e endesken na man Tuhan, sakit kula tapi kinitekenna tetap sehat sierbanca lit terus tetap keriahen nggeluh. Adi i bas ogen nina: ola kam minem lau saja, tapi  inem pe sitik anggur maka sikap beltekndu, sebab megati kam sakit (1 Tim. 5:23) merupaken nasehat Paulus guna kesehaten Timotius, J.N. D Kelly ibas bukuna “A commentary on the Pastoral Epistel” ngutip ibas piga-piga sumber budaya Yahudi Helenistik bahwa lit pengobaten guna kesehaten minem lau anggur khusus si erfungsi untuk kesehaten  pencernaan terganggu bahkan risken adi hanya minem lau biasa saja. Tentu guna sie simaksudken Paulus man Timotius.

Ibas 1 Petrus 5:7 ikatakenna “Ampekenlah kerina kearun atendu man Dibata, sabap Ia kap si mperdiateken kam” (bhs. Indonesia, “Serahkanlah segala kekuatiranmu kepadaNya, sebab Ia yang memelihara kamu”). Lit ije kata ‘kerina/semua’ la setengah-setengah, labo seperteluna, labo ka 90 % tapi kerinana/semuanya, enda nuriken maka Tuhan tuhu-tuhu mperdiateken kita janah ngasuhi kita ibas kerina dampar geluhta. Ibas bahasa Inggris kata kekhawatiren iperinci alu ndauh nina: “all your anxieties, all yuor worries, all your concerns, once and for all” (semua ketakutan, kecemasan, kegelisahan, ketidaktenangan, segala yang membebani pikiran, sekali untuk selamanya). Ola nari ibaken entah tadingken kerina perbebenta tapi endesken/serahkan man Tuhan kerinana/semuanya, seh makana enggo menahang si akap ndalani geluh enda. Jenari gelah kita banci ndatken dame sejahtera ibas geluhta harus lebe sibeneken perukuren-perukuren si negatif jenari merubah caranta rukur kerna hal-hal si positif dingen mehuli, alu bage kegeluhenta pe banci jadi mehuli. Arah Invocatiota Surat Johanes si peteluken enda itujuken man teman sekaligus anak rohanina si Gayus, teridah ije uga saling mendukung ras menguatken arah pertoton, bahkan mungkin sikap sibage kang ibahan Gayus man Johanes, alu saling menopang ibas toto ras melayani, pengarapen gelah mejuah-juah teman siikelengina e. tentu kegeluhen jabu pe banci jadi mejuah-juah adi lit ije saling menopang ibas toto ras saling melayani alu keleng ate. Ibas sada penelitin siilakoken para ahli psikis ibas ngataken, maka ertoto mereken manfaat simbelin kal eme kap banci mencegah ras mengatasi stres. Seh makana arah gegeh pertoton banci mabai kita terhindar arah resiko depresi bagepe masalah-masalah psikis sideban. Pertoton banci mabai sekalak jelma reh tenengna ibas rukur, la mesukah putus asa tapi tetap rukur alu positif, tentu alu sehat kula ras pikiren erbanca jabu e mejuah-juah.

Pdt. Jeri Karlo Tarigan

(GBKP Rg. Tangkahen)

____Klasis Medan Namorambe_____