Khotbah Minggu, 15 November 2020 // Minggu Keluarga // Jabu Jadi Berita Si Nggeluh (Yesaya 8:16-20)

Invocatio      : Geluhndu arus erpalasken keleng ate, bagi Kristus enggo engkelengi kita, dingen ngendesken kesahNa man gunanta. IA enggo mpersembahken diriNa jadi persembahen si merim si ngena ate Dibata” (Efesus 5:2)

Ogen     : 2 Korinti 9:13-15

Khotbah :Jesaya 8:16-20 

Tema: Jabu Jadi Berita Si Nggeluh 

Uraian Teks :

Nabi Yesaya mulai ernubuat ibas pelayanenna i Yerusalem tupung paksa pemerintahen 4 kalak raja Yehuda eme Uzia, Yotam, Ahas ras Hizkia (Yes 1:1). Raja Uzia mate ibas tahun 740 ope Kristus  ras Hizkia tahun 687 ope Kristus. Alu bage Pelayanen Yesaya meliputi lebih dari setengah abad Sejarah Yehuda. Yesaya nggeluh se zaman ras Hosea bage pe Mika, Yesaya ernubuat tupung paksa keruntuhan kerajaan Israel Utara ras tupung paksa terjadina kemerosotan moral rohani i Yehuda (Kerajaan Israel Selatan). Yesaya mpersingeti raja Yehuda, Ahas gelah la  mengharapkan bantuan Asyur guna melawan Israel ras Aram. Yesaya mpersingeti dua kalak raja enda gelah tetap tutus erkemalangen man Tuhan si jadi sekawal bangsaNa (Yes 7:3-7).

Ibas Yesaya 8:16-20 menggambarken situasi penghakimen si bakal ialami bangsa israel ras Yehuda arah nubuaten si isehken nabi Yesaya. Tupung paksa si e bangsa israel ras yehuda lit ibas situasi kegelapen ras keputusasaan bagepe tanpa pengharapen erkiteken ke la setiaan bangsa israel ras Yehuda man Tuhan janah erkiniteken man bangsa si deban eme asyur. Erkiteken ketidak setiaanna enda emaka la ibere Tuhan kemenangen man Yehuda. Cara Si ipake Tuhan emekap ibunikenNa diriNa ibas bangsana nari (Menyembunyikan wajahNya). Ibas Tuhan enggo muniken diriNa man bangsaNa, jadi sada pertanda maka Israel ras Yehuda harus menghadapi masalah si mbelin, uga bangsa enda nggeluh ibas situasi tanpa pengharapan ras ngaloken pasu pasu ibas Dibata nari si jadi sekawalna. Ibas Situasi sibagenda rupana Yesaya reh ndahi Israel ras Yehuda guna nehken pengajaren maka Yesaya ras keluargana bage pe ras kalak si setia (Pengikut) tetap ersaksi maka ia tetap ngiketken pengajaren Dibata ibas pusuhna janah tetap tek dingen erkemalangen man Tuhan labo man bangsa si deban, entah pe mindo penampat man tendi tendi kalak si enggo mate bage pe guru sibaso ras si meteh wari guna kalak si nggeluh. Enggo jadi sada kepastian si la banci la inanami israel ras yehuda maka situasi si man hadapenna akan semakin sulit tanpa kehadiren Tuhan sebagai satu satunya sumber pertolongan abadi erkiteken enggo nulak kehadiren Tuhan ras pengajarenNa ibas kegeluhenna. Ibas Yesaya 8:21-22 maka situasi si cukup mesangat si lanai banci la ter elakken enggo mengancam kegeluhen kalak israel ras yehuda. Guna si e Yesaya tetap ersaksi maka ia ras kerina keluargana tetap njagai pengajaren ras undang undang Tuhan jadi palas kiniteken si tetap erkuasa njagai kegeluhenna.

Ibas minggu enda kita masuk kubas minggu keluarga. Arah perenungen enda mabai perukurenta uga ngidah kelurga sebaga pusat pengajaren kiniteken si cukup mehuli khususna ibas nggejabken kiniulin Tuhan bas kegeluhen. Situasi zaman gundari melala si idah erbagai macam kesuliten si ihadapi enterem jelma. Ibas kerina aspek kegeluhen erbagai kesuliten si luar biasa la banci la i gejabken erkiteken rasa takut ibas menghadapi masalah pandemic covid 19 tetap menghantui. La saja ibas bidang ekonomi si drastic menurun, ibas pendahin pe melala enggo i rumahken bahkan lanai erpendahin bagi biasana, bagepe guna ersembah man Tuhan lanai bagi biasana ras melala denga dampak si merugiken kegeluhen manusia ibas ndalani kegeluhenna.  Tentu si enda banci i kategoriken kubas situasi kegelapen si harus i dalani. Tapi perlu si inget uga liasna ras kelengna ate Tuhan man banta si enggo mereken anakNa Tuhan Yesus si tetap engkelengi kita. Alu bage lanai kita nggeluh alu cara si mabai kita la nandai Dibata alu majuh roh roh ras tek man dunia pesugihen si nawarken erbage macam kekayaan ras pesona si maba kita kubas kesirangen ras Tuhan (Bnd. Invocatio).

Sebagai anak anak Dibata si tetap nggeluh njagai ras mperdiateken pengajarenNa, bagi nina Paulus ibas ogenta 2 Korinti 9:13-15 maka sebagai kalak si enggo menang ibas pengajaren erkiniteken gelah teridah kuasa Tuhan si nampati ras engekelengi kita jadi sada keharusen man banta guna tetap nehken penampat man kalak si deban gelah terpuji gelar Tuhan arah dirinta si enggo nggeluh ibas pengajaren si mehuli erkiteken kiniersadanta ras Kristus. Si enda banci terjadi ibenaken ibas diri/keluarga si nggeluh ibas kata Dibata alu setia nuanken pengajaren kerna undang undang si ibereken man banta arah keleng ate Tuhan Yesus. Keluarga si nggeluh ibas pemeliharaan Tuhan tetap njagai ras encidahken perbahanen si mehuli ibas kerina aspek kegeluhenna. La ernalem man kuasa tah pe roh roh pertendin si la maba keselamaten man bana tapi nggeluh ibas pengarapen ras keselamaten si enggo i gejabkenna arah perkuah ate Tuhan Yesus Kristus. Alu bage keluarga si erberita ibas berita si nggeluh eme keluarga si erbuah ibas kiniteken ras kiniulin Tuhan (Bnd. Galatia 6:9-10). Haleluya…….

Pdt. Timotius Sembiring, S.Th

____Klasis Medan Namorambe_____