PJJ, 8-14 Nopember 2020 // Rukur, Ranan Si Maba Kejuah-juahen (Kuan-kuanen 14:30; 15:4)

PJJ, 8-14 Nopember 2020 // Rukur, Ranan Si Maba Kejuah-juahen (Kuan-kuanen 14:30; 15:4)

Lit sada kalimat si rusur kel ibegi entah ibelasken kita, eme ” Kai si lit ibas ukurndu, e ka nge si belaskenndu.” Alu kata sideban, rukur ras ranan e dua hal si erkawiten sada ras sidebanna. Adi positiflah perukurennta, maka kata-kata si belasken kita pe si maba kemalemen ate. Bage ka nge sebalikna. Emaka arah bahan PJJ nta wari si sendah mabai kita guna makeken pwrukurenta ras pengerananta gelah danci maba kejuah-juahen bas geluhta.

Kitab kuan-kuanen si jadi pengogeenta wari si sendah eme sada pengajaren kerna 2 hal. Sipemena eme ibas kitab  Kuan-kuanen 14:30, ikataken “Ketenangen ukur mahanca kam mejuah-juah, cian ate seri ras pinakit kangker.” Arah si e teridah pengajaren uga kita bersosial nandangi sekelewetta. Adi lit cian ateta nandangi sada hal entah nandangi kalak sideban, e justru erbanca reh sunahna kita kena pinakit. Sebab, kalak si ercia ate eme kap kalak si la ngasup ngaloken kelebihen kalak sideban, termasuk pe pemere Tuhan man tiap-tiap jelma, bage pe man si ercian ate e sendiri.  Tapi adi teneng kita rikut pe ras perukurenta maka kita nggejabken kejuah-juahen.

Si peduaken eme ibas kitab kuan-kuanen 15:4, nina “Ranan simehuli mereken kegeluhen, cakap si ngelukai pusuh erbanca bene ukur.” Enda me pengajaren kerna ranan pentar. Ranan pentar eme ranan si mereken kegeluhen.siate isidahken ibas ayat enda eme, seh kel belinna pengaruh ranan e nandangi pribadi entah pe anggpta masyarakat. Ranan si pentar ras si ibeoasken alu tepat banci mereken pengapul, pergegeh, ndunhi masalah ras mbangun semangat kegeluhen si megiken ranan e. Kontras ibas ayat 4a, ikataken cakap si ngelukai pusuh erbanca bene ukur (ayat 4b). Cakap si ngelukai pusuh eme ranan si jahat, si encedai perukuren kalak sideban. Ranan enda erbanca kalak si megikenca putus asa seh maka ranan e ncedai perbahanen bahkan kegeluhen kalak sideban. Ranan si bage erbanca lalit nari kejuah-juahen.

Emaka arah PJJ nta wqri si sendah, marilah kita rukur ras melasken ranan alu mehuli segelah kehadirenta maba kejuah-juahen ras kemalemen ate. Sehat kita bagepe sehat sekelewetta si ndeher ras kita. Pedauhlah biak cian ate sebab banci e erbanca siakap latih ras terganggu kesehatennta. Tapi ngasuplah kita ngaloken kalak sideban ibas kelebihenna. Janah pe biasakenlah mbelasken ranan simehuli, simpetetap ukur kalak sideban. Segelah arah sie pe terpuji gelar Tuhan. “Ukurkenlah labe mbages-mbages, maka belasken”. Amin


Pdt. Melda P. Br Surbakti, S.Th

(Rg. Simalingkar A)

____Klasis Medan Namorambe_____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba