Perpulungen Jabu-Jabu, 25 -31 Oktober 2020 (Oikumene) // Pdt. Eben Ezer Depari, M.Th

Ogen :  Roma 15 : 7 – 13

Thema : “Alokenlah Temanndu”

Kata Oikumene rehna ibas kata benda Yunani “Oikos” ertina rumah ras kata kerja Yunani “Meno” ntah “Menein” ertina tinggal. Adi igabungken maka ertina tinggal dalam satu rumah. Bas  tahun 1054 gereja terbagi 2 eme gereja wilayah Timur siigelari gereja Ortodoks siipimpin patriach ertina bapa ija Patriach Konstantinopel ianggap sebage patriach si paling utama. Gereja wilayah Barat igelari gereja Roma Katholik siipimpin Paus, erkeduduken i Roma (gundari i Vatikan deher Roma).  Sirangna gereja e eme kenca masa Reformasi kenca tanggal 31 Oktober 1517 Marthin Luther namaken 95 dalilnya i pintu gereja i Wittenberg lako nentang/mbantah ajaren ras praktek gereja Roma Katholik paksa e. Bagepe Zwingly si ngumumken 65 dalilna nentang ajaren ras praktek gereja Katholik bas tanggal 29 Januari 1923 i Zurich, Swiss. Seterusna Johanes Calvin nerbitkan sada buku erjudul Pengajaran Agama Kristen guna melurusken pengajaren gereja ibas ajaran gereja Katholik ras ngembangkanca i Starssburg ras Jenewa tahun 1936 – 1964. Selain itu sie turah ka Gerakan Anabaptis bas tahun 1920 si ertujun lako mbentuk sada gereja tanpa cacat.

Kenca Reformasi e keke me aliren-aliren gereja bagi Lutheran, Calvinisme, Anglikan, Methodist, Baptist, Gereja-gereja Pentakosta, Gerakan Kesucian ibas abad ke-18. Seh abad ke-19, gereja-gereja erdalan masing-masing. Ipajekkenna tembok pemisah alu alasen-alasen  teologis seh maka perbedaan gereja-gereja reh  mbagesna ras tajamna. I tengah keterpisahen e  kaum awam eme jemaat biasa, si labo teolog ntah pendeta erbahan geraken baru lako mpedeher denominasi gereja si erbeda-beda e. Geraken enda me jadi cikal bakal geraken Oikumene. Geraken e eme : piga-piga gereja Protestan i London mbentuk Aliansi Kristen lako saling mpegegehi secara rohani bas tahun 1846; piga-piga denominasi gereja bas erbagai benua mbentuk Young Men Christian Association (YMCA) tahun 1855 i Paris; Young Women Christian Association (YWCA) idiriken tahun 1894; World Student Christian Fellowship (WSCF) idiriken tahun 1895; Konferensi Missi Internasional majekken Organisasi Missi Internasional  tahun 1910 i Edinburg; Konferensi dunia kerna Life and Work i Uppala tahun 1925; Konferensi dunia kerna Iman ras Peraturan Gereja (faith and order) i Lausanne; Organisasi “Life and Work” ras “Faith and Order” ipersada jadi sada organisasi siigelari Dewan Gereja se- Dunia (DGD) tahun 1948 i Amsterdam. Dungna organisasi Missi Internasional pe ergabung ras DGD enda;  Dewan Gereja  i Indonesia (DGI) terbentuk tanggal 25 Mei 1950 i Jakarta. Guna lebih mpedeher gereja-gereja anggota DGI segelah sada ras sidebanna merasa lit keteriketenna, maka bas Sidang Raya DGI pe X ken i Ambon, DGI iubah jadi Persekutuan Gereja-gereja di Indonesia (PGI).

Geraken oikumene guna mpersadaken perayaken perpulungen e lako naksiken Tuhan Jesus ku belang-belang doni enda arah erBerita si Meriah e penting kal sabab bagi Pustaka si Badia naksiken pe maka tangtangna nari kin pe perpulungen e enggo ngalaken persoalen si mpeturah perpecahen (nen umpama : Perb. Rasul 6 : 1 – 4; 15 : 1- 35; 1 Korinti 3 : 1 – 9) janah em pe tantangen si lit i perpulungen Roma paksa e ija perpulungen e lit si erlatar belakang kalak Jahudi  bagepe si la Jahudi. Perbedaan e adi la ikelola alu mehuli, uga pa pe maba perpecahen, janah perpecahen e ncedaken gereja (perpulungen) ras memperlemah gegeh perpulungen e guna ersaksi ras erberita si Meriah.

Em sababna maka nina rasul Paulus, segelah tetap nteguh persadan perpulungen e, la banci lang sada ras sidebanna ia kerina ngaloken  temanna bagi Kristus enggo ngaloken ia kerina alu la mpersoalken uga nai kegeluhenna, ise ia nai sabab kerina jelma lit latar belakang kegeluhenna. Tapi adi si nai-nai, kerna latar belakang kegeluhen lalap ipersoalken, mesera ngelitken persadan erkiteken macam-macam latar belakang kegeluhen kerina jelma. Si penting gundari inen eme kalak e enggo ngaloken Kristus jadi Tuhan ras Juruselamatna, jera ia  ibas sindekahna nari si la ngena ate Dibata. Gundari perayakenna eme ngelakoken hal-hal si ngena ate Dibata, muji ras mpermuliaken Dibata arah geluhna secara pribadi ras ibas persadanna ras kalak si tek ntah perpulungen e. Ertina misi ntah perayaken si seri ku Dibata nge si perlu inen ras ipebelin, alu bage nteguh persadan perpulungen e.

Guna sie me maka igenapi Dibata padanNa eme alu kerehenNa ku doni enda arah Jesus Kristus siigelari tunas Isai segelah la saja kalak Jahudi tapi si la Jahudi pe banci muji Dibata. Segelah reh ngasupna perpulungen e ngaloken temanna sada perpulungen lebe khususna bagepe kalak sideban, gegeh Kesah si Badia si mereken keriahen, kemalemen ate ras pengarapen e tetap sibere erdahin bas kegeluhenta.

Pdt. Eben Ezer Depari, M.Th

(GBKP Rg. Sp. Selayang)

___Klasis Medan Namorambe____