PJJ 18-24 Oktober 2020 // Tek Ras Erberita (Minggu Zending) // Johanes 4:39-42 // Pdt. Daud Sembiring

PJJ 18-24 Oktober 2020 // Tek Ras Erberita (Minggu Zending) // Johanes 4:39-42 // Pdt. Daud Sembiring


PJJ 18-24 Oktober 2020

Tek Ras Erberita (Minggu Zending)

Johanes 4:39-42


Bahan PJJ nta sekali enda ngerana kerna minggu zending, minggu pengutusen. Palas ibas minggu zending eme uga kita nginget maka Jesus enggo ngutus ajar-ajarNa guna nehken Berita Si Meriah. Buah pemberitaan enda turah me gereja. Gereja sienggo pajek enda menerusken semangat Erberita Si Meriah enda alu tetap pembarken Bertia Si Meriah alu mengutus para misionaris, zendeling si enggo ipilih ras iperlengkapi Tuhan. Pada masa genduari pe tentuna kita pe ikut dengan ngaloken pendilo enda, lako muat bagin ras nerusken meritakan Berita Si Meriah man kerina manusia la erndobahen. Terlebih-lebih man kalak si lenga tek gelah ialokenna Jesus jadi juruselamatna. Semangat enda la pernah nimpet. Tugas enda la pernah usang. Perintah enda la pernah ngadi ilakoken. Jiwana la pernah berubah bahwa Tuhan ndilo kita jadi alatna erberita kerna keleng ateNa simbelin e. Saja metode ras carana isesuaiken rikutken situasi jaman.


Cerita sekali enda ngerana kerna perjumpan Yesus ras sekalak diberu Samaria. Perjumpanna ras Tuhan Yesus mengubah totalitas geluhna, cara pandangna kerna dirina ras jelma sinterem. Perjumpanna ras Tuhan Yesus menggerakken nggeluhna guna ersaksi ras mpetandaken Yesus Juruselamat e enggo reh njumpai ia. Yesus mengangkatken harkat diberu e ibas pengakap diberu samaria e. Uga gia melketna, cedana geluhna i lebe-lebe jelma sinterem bahken dirina pe labo akapna ia layak tapi Tuhan ngaloken ia alu dem keleng ate.


Diberu samaria e situhuna melala ietehna kerna tradisi keagamaan, janari rehna keselamaten e, symbol-simbol agama. Arah segi pemeteh melala kal nge pemeteh diberu e kerna keagamaan ras harapen guna Juruselamat. Tapi ia gagal paham. Nggeluhna tetap denga dem kemelketen, dem dosa. Pemeteh kerna Kata Tuhan la pernah mengubahken kai pe bas geluhna. Memang meteh pangan ntabeh la erbahanca kita besur tapi panlah maka sidat me gegeh ras beltek besur. Meteh kerna Kata Dibata la mengubah kai pe bas geluhta tapi pakekenlah e bas kegeluhenta maka melala hal mbelin terjadi bas geluhta. Contohna, diberu samaria e enggo medem ras melala dilaki padahal e labo dilakina. La jelas keluargana. Agak ceda moralna. Geluhna lit aib siarus ibuniken. Gia diberu e ikataken “barang rongsokan”, la kin layak ipake Tuhan secara moral ras latar belakangna pe labo melala banci iarapken tapi Tuhan tetap njadiken ia meherga dingen mehaga. Ukuren Tuhan e la tersibari kita. Melket masa lalu la erbahanca masa depan harus tetap melket ras la erguna. Saat Tuhan pake maka hal-hal besar enggo nimai kita. Tuhan memanggil kita dalam kekurangan kita tapi Tuhan tidak akan membiarkan kita terus pada tingkatan yang sama setelah Tuhan pake menjadi alatnya.


Kenca perjumpan diberu samaria e ras Yesus maka mulih me ia kukutana. Ibas kuta e ia erberita kerja ise kin Yesus. Tugasna selesai kenca ia erberita ras jelma sinterem e njumpai Jesus dingen megi secara langsung ise Jesus e. Pertobaten anak kuta samaria labo perban kesaksin diberu e tapi perjumpanna ras Tuhan Yesus. Tugas diberu ersaksi ras mbuka dalan segalah jelma sinterem e banci reh dingen njumpai Jesus secara pribadi ras menjalin komunikasi iman. Emaka diberu samaria e la merasa dirina berjasa enggo ngelakoken sie man Tuhan Yesus. Akap kami pelajaren enda pe seg min man banta sekalak-sekalak. Ula merasa berjasa kerna kai sienggo ibahan kita bas gereja enda. Tugas kita hanyalah alat Tuhan. Labo ban beluhta, perjumpanta ras jelma sinterem sikhotbahi, siajari, rsd tapi perjumpannalah ras Tuhan Yesus. La lit sada pe biasa-biasa kalak sienggo mengalami perjumpan pribadi, perjumpan intim ras Tuhan. Tugas kita selaku kula ni Kristus tek ras erberita. Ula terpenggal-penggal. Tek tapi la erberita. Erberita padahal kita la tek. Nina Pdt Kongis Kaban, “Pendalamen Alkitab-Pekabaran Injil (PA-PI/PI-PA). Selamat Er PJJ ras Selamat Minggu Zending. Amin.


Pdt. Daud R. Tuahta Sembiring

GBKP Rg. Namorambe

____Klasis Medan Namorambe_____

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba