Pantun Karo II Jumpa Malem Ibas Rumah Si Mbaru II Pdt. Sada Kata Ginting & Pdt. E.P. Ginting II Pdt. Daud Sembiring

Pantun Karo II Jumpa Malem Ibas Rumah Si Mbaru II Pdt. Sada Kata Ginting & Pdt. E.P. Ginting II Pdt. Daud Sembiring

PANTUN KARO

JUMPA MALEM IBAS RUMAH SI MBARU

______________________________________

Iduru tenggiang senduduk turah

Tenggiang turah iteruh kayu

Lit pakasana kita mbangun rumah

Janah singianisa rumah limbaru

 

SIbengket rumah enda erpagi-pagi

Alu pertoton Dibatalah nampati

Ku IA ernalem gundari ras pagi

Jumpa ate malem, turah ka ate jadi

 

Tukur tualah i Pancur Batu

Baba luah ku Simpang Sinaman

Pengarapenta kerina gelah geluhta mbaru

Tuhanta Yesus temanta si bahan

 

Enggo erkedungen dahin tukang

Upah ialoken bagi sipatut

Kata Dibata sialoken ola min terbuang

Maka dame bas jabu ola murah ukurta sangkut

 

Itabah kepe batang nderasi

Ujungna ikeret dahanna itas-tasi

Erjumpaken Yesus ise pe serasi

Siundang Yesus reh IA nampati

 

Megersing kepe lambe ni uak

Batang pola tuhu erculiki

Adi Kata Tuhan labo si tulak

Ukurta sipicet pe iturihi

 

Pedua berngiken enggo tasak tape

Tang-tang buka melas kepeken

Si bengketi rumah enda alu dame

Kata Dibata palasna jineken

 

Anak beru emekap kuda dalan ras sekun entelap

Sierbahanca sikap dahin kalimbubu

Adi man Yesus kita kerina ngarap

Sidat malem ate jumpa ka pasu-pasu

 

Reh pe kalimbubu simajek dalikan

Ibahanna inganna kundul arah gugung

Bahanlah ibas pusuhta Yesus ringan

Gelah geluhta bagi si metunggung

 

Pulung kuh sangkep rakut sitelu

Arihna ersada la sipanjang punjuten

Ernalem kempak Dibata arihta tudu

Jumpa malem ate adi Dibata persukuten

 

Megersing kepeken pertasak galuh

Galuh setandan ercikat-cikat

Ibere Dibata banta ngaruh

Emaka ngataken bujur ola kita kisat.

 

Sumber:     Pdt. Sada Kata Ginting & Pdt. E.P. Ginting, Pribahasa (Kuan-Kuanen) Karo.

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba