Minggu Perdamen II 20 September 2020 II Ngelakoken Perdamen Alu Bulat Ukur II 1 Petrus 3:8-17 II Pdt. Rita Armenia Br Ginting, S.Th

Minggu Perdamen, 20 September 2020

Invocatio             : Tadingkenlah kejahaten, lakokenlah kai si mehuli, bulatkenlah ukurndu erbahan                                        perdamen. (Maz. 34:15)

Ogen                     : 2 Samuel 13 : 23 – 29

Khotbah               :  1 Petrus 3 : 8 – 17

Tema                     : Ngelakoken Perdamen alu bulat ukur

Lit persoalen maka lit perdamen, la lit masalah la perlu perdamen. Perdamen eme temanta sekalenda iajak kita ibas minggu perdamen enda segelah kita erdame alu bulat ukur berarti lit denga ibas kita erdame hanya ibas babah saja tapi la erdame ibas pusuhta. Selalu kalak Kristen maka ibas erdame harus kita alu bulat ukur ula setengah setengah. Tapi mbue denga kita selaku kalak Kristen si lenga nggit erdame ras temanna manusia. Padahal kita iajak erdame ekiteken kita enggo iperdameken Yesus Kristus ras Dibata segelah ula nai kita jadi imbang Dibata. Ibas perdamen e Yesus sendiri si muat inisiatif segelah kita erdame ras Dibata. Dibata nuruh kita erdame erkiteken ia sendiri si mereken perdamen e man kita manusia, Yesus nuruh kita engkelengi temanta erkiteken leben enggo ikelengina kita, kita isuruh Dibata ngalemi kalak erkiteken kita leben ialemi Dibata. Berarti Dibata nuruh kita erdame erkiteken leben kita i perdameken Dibata.

Ibas ivocationta lit 3 hal sipenting si harus i miliki kalak Kristen: Nadingken kejahaten, lakokenlah si mehuli, ras enggit erdame. Ibas zaman sigenduari enda jabaten ras ketutusen kalak reh ku gereja lenga menentuken ia nadingken kejahaten, ngelakoken si mehuli, ras enggit erdame. Ibas gerejanta pe rusur lit perpecahen gereja, la siangkan sesama serayan Tuhan. Enda nuduhken maka kita lenga ngikutken kai sinisuraken Dibata.

Arah bahan khotbah enda iajuk kita segelah encidahken biak Kristus bas kegeluhenta. Ibas temanta enda pe harus nge teridah biak Kristus atau pe banci kataken sifat-sifat kalak Kristen harus teridah ibas kegeluhent ras arus bulat ukur guna ngikutken biak ni Kristus labo biakta manusia si nggit rusur ngikuti keinginen dagingta saja. Kalak si ngikutken Tuhan harus pang nimbak peraten dagingnta enda teridah arah bahan Khotbahta:

Ayat 8 Iajak kita segelah ersada ukur, sepenggjepaen, sikeleng-kelengen bagi kalak ersenin ras ersada arih janah meteruk ukur sekaak nandangi sidebanna. Bagi ersenina, kita usur beda pendapat ras seninanta tapi la sempat la siangkaan. Bagem biak ni Kristus, nggejapken beban kalak sideban bagi bebanta. Sie banci jadi erkiteken lit biak meteruk ukur eme nggit nadingken ke’aku’nta/keegoisen. Kalak si meteruk ukur, nggit ‘mindo maaf’ ras ngataken ‘bujur’.

Ayat 9: kita iajak ula membalas kejahaten alu kejahaten, ula numpahi kalak si numpahi kita, tapi kejahaten harus si balas kiniulin eme alu pasu pasu. Berarti ije kita iajak segelah mengampuni kalak sedeban si erbahan jahat man banta (pepatah : air susu dibalas dengan air tuba ibas Kristus air tuba di bayar dengan air susu). Orang berbuat baik dibalas dengan kebaikan itu manusiawi, kalak erbahan kejahatan dibalas kejatan eme gelarna dendam. Ibas bahan ogenta teridah ije la lit perdamen ntah pe dendam ibas pusuh Absalom nandangi Amnon erkitenen iperkosa Amnon turangna si Tamar. Absalom turang kandung ras si Tamar arah ndehara Daud si Maaka. Janah Amnon turang Tamar arah ndehara Ahinoam. Jadi Tamar ras Amnon sada bapa lain nande.  Dua tahun Absalom hidup dalam dendam, permusuhan dan sakit hati sikedungenna irancang Absalom sada rencana guna munuh Amnon. Lit kata bijak nina “membalas dendam membuat anda sama buruknya dengan orang yang menyakiti anda”. Tapi adi kejahatan ibalas alu kiniulin em merupaken biak ni Kristus (mengampuni 7x7x…).  Lit  kejadian 2 tahun silewat pengebomen gereja i Surabaya keluarga sendiri si terkena bom nggit ia mengampuni kalak si munuh keluargana hal sibagenda hal si luar biasa siakap, ije teridah kel biak ni Kristus ibas kegeluhenna.

Ayat 10-17 ije kita iajakna kita ula melasken si jahat, si lit biak Kristus arus jera ibas perbahanen-perbahanen si jahat emaka erdame alu bulat ukur. Ije teridah penyertaan Tuhan man kalak si ndalanken printah Tuhan (Tuhan tetap natap ku kita, nampati kita ngelawan musuhta, ras bereken pergegeh ayat 14 ola aru atendu (ula kam mbiar nina).tapi  bas kita lit pusuh si erpengendes man Tuhan Dibata ras pusuh bagi biak ni Kristus (mehamat, ukur bersih, lemah lembut).jadi isimpukenna maka ulin nge ngenanami kiniseran erkiteken perbahanen si mehuli (Berarti ijenda teridah maka kita jadi Kristen labo gampang tapi lit pengorbanen ibas Kristus).

Kalak Kristen biakna eme biak Kristus si mehamat  man Dibata, enggit mengalah ras Tuhan si ban jadi palas kegeluhenta. Berarti kalak Kristen harus encidahken kekelengen segelah terjadi perdamen. Perukuren tah pengerana si mehuli ula setengah-setengah tapi alu bulat ukur (Kristus hidup di hati kita, hidupku bukanlah aku lagi tapi Yesus dalamku). Yesus Enggo mereken perdamen man kita maka kita pe harus berdamai. Perdamaian dimulai dari pusuhta..selamat berdamai.

Pdt. Rita Armenia Br Ginting, S.Th

(GBKP Rg. Nabrita)