Ndung-Ndungen (Pantun) Rohani ll Diaken ll Pdt. Em. Rela Sembiring ll Pdt. Daud Sembiring

NDUNG-NDUNGEN (PANTUN) ROHANI

JADI DIAKEN

 

 

Tuhan Yesus kap Diaken simbelin

Sinelamatken kula ras pertendin

Ipepalemna kalak si suin

IbanNa nasib kalak terulin

 

Dahin Diaken tuhu metahat dingen mulia

Rukur ras erdahin pesikap manusia

Gelah la lit kalak sierpengakap geluhna tersia

Ngasup ia erdahin sebab ia ndat gegeh arah kuasa Kesah Si Badia

 

Sekalak Diaken si metunggung

iperdiatekenNa ise si la pulung

idahina dahin labo perban ia dat untung

Berusaha ia gelah geluh kalak ola melpung

 

La masikel ia nuriken kesalahen kalak

Tapi berusaha giat negu kalak si papak

Iukurina lebe kai pe alu tasak-tasak

Labo lit kenca masalah minter I gasak

 

Sekalak Diaken ia kap keteken perpulungen

Tapi labo asuhina biak penungkunen

Apulina kalak si kelungunen

Si putus ada iberena pengarapen

 

Ndahiken dahin perpulungen la ia erdalih

Aminna gia mekatep nge gejapna latih

Ibas Dibata nari nusur man bana ulih

I usahakenna rusur ukur teman erturih

 

Mehuli ijujurkenna isi jabuna

I tengah masyarakat mehuli laguna

Sabab ibahanna kai si erguna

I utamakenna kai siperluna

 

Reh ia ngapuli kalak sierceda ate

Guna petetapken ate

Gelah ngadi iluh erdire

Ukur si lanai erlayas jadi jore

 

Iajarina kalak alu saber ate

Adi lit kalak erminggu lale

Ipegegehina kiniteken sim once

Bage pe iperdiatenna kalak si kote

 

Erdahin tutus mejingkat la menggo

Dahina teman ras ras ertoto

La ia ngadi dahinna la lolo

Meriah akapna erdahin ndahiken si payo

 

Ketutusen man usihen perpulungen

Dahin siniajurkenna man dukungen

Bage me maka perpulungen geluh raturen

Janah ertambahna teridah ketutusen

 

Sumber: Karya Alm. Pdt. Rela Sembiring.