Bahan PJJ ll Dewasa Ibas Kristus (Efesus 4:13-16) ll Pdt. Daud Sembiring, S.Th

Bahan PJJ ll Dewasa Ibas Kristus (Efesus 4:13-16) ll Pdt. Daud Sembiring, S.Th

Bahan Ogen       : Efesus 4:13-16

Tema                     : Dewasa ras Serta Ibas Kristus

                                  (SDM Pengurus)

 

Lit kuan-kuan, nina “Tua itu alami tapi dewasa itu pilihan.” Metua pe daging ibaba lenga tentu dewasa ibas pengelako, perukuren, pengerana, kiniteken, rsd. Segelah dewasa e butuh proses siberbeda-beda ibas kerina jelma. Lit simeter, lit ka si lambat. Tingkat pertumbuhenna pe berbeda mbelin kitikna. Carana pe meragam ibas kerina. La sada ngenca cara merawat ras perturahna. la terpeseri kerina e.  Pelayanen bas GBKP enda, salah sada sinatang layar-layar, pemangku jabaten eme Pengurus baik Pengurus PJJ, Pengurus Kategorial, Pengurus Yayasen, Pengurus Unit Kerja, rsd. Selain sie lit kange Serayan Tuhan (Pandita, Pertua, Diaken). Segelah pelayanen e reh ulina maka kita butuh SDM Pengurus e bertumbuh, bertambah ras berbuah baik arah segi kiniteken, karakter ras ketrampilen ibas kerina segi simendukung peningkaten pelayanen. Pelayanen la cukup hanya ertoto maka kerina e erdalan alu mehuli gia e modal penting ibas pelayanen gereja Tuhan. Tuntuten pelayanen arus sendalanen ras tuntunen Tuhan. Pelayanen harus berbanding lurus ras peningkaten Sumber Daya Manusiana. Kiniteken harus berbanding lurus ras perbahanen. Jabaten (pengurus) pelayanen labo jaminen tah pe sukat-sukat sekalak jelma e enggo dewasa, paguh erkiniteken, mehuli lagu langkahna. Tapi arah kepengurusen si ijemakna, dalanna guna nehken pelayanen, nehken keleng ate ras bertumbuh lit inganna si pas.

Paulus ngajari kita uga bertumbuh dewasa dingen reh sertana arah pemere siibereken Tuhan man banta sekalak-sekalak. Khususna ibas peningkatan SDM pengurus e. Bai kai saja perlu SDM Pengurus e reh dewasana ras sertana? Pertama, Tuhan nepa doni melala erbagena, janah em tanda kebayaken-Na. Gereja Tuhan pe melala erbagena tanda gereja e bayak. Kengasupen mengelola si melala erbagena e njadiken gereja e megegeh ras paguh. Tugas pengurus eme mengelola kinierbagen e jadi potensi si luarbiasa ibas mendukung pelayenen. Perlu lit ka ije managemen konflik, managemen pelayenen, rsd. Peduaken, Tuhan mereken sada tah dua pemere/potensi man anak-anakNa. Labo kerina terdahiken kita ibas melalana dahin siman dahinken. Bertumbuhlah kita ibas potensi siibereken Tuhan ras kerjasamalah kita ras teman sideban guna ndahien dahin simbelin enda. Ngasup bekerja sama eme kunci keberhasilen pelayanen. Asal mesera kerja sama pasti cengkal kerina dahin e. Peteluken, ngasup ngkuasai pengajaren si sehat ras situhu-tuhu segelah kiniteken reh paguhna. Uga ningen ngajarken pengajaren kerna Kata Dibata adi Kata-Na e la megegeh bas kita dingen lenga terkuasai kita pengajaren siipeseh kita segelah ula siajarken pengajaren si lepak. Peempatken, reh mbelinna min keleng ate. Ibas pelayanen e labo saja ngerana kerna aturen tapi lit denga ije prinsip keleng ate. Arah e turah? Arah tetap melatih kepekaan keleng ate ras terus erlajar.

Jadikenlah pelayanen e baik sebagai anggota tah pengurus dalanta reh dewasana ibas keleng ate, pengajaren kerna Kata Dibata, mengelola konflik ras memberdayaken kerinana. Ula mengayak serba cepat, instan tapi dalanilah proses e alu sikap dingen mehuli. Alu bage reh dewasana ras reh sertana kita i lebe-lebe Tuhan ras reh sikapna pelayanen i tengah-tengah gereja Tuhan. Amin.

 

 

 

Pdt. Daud Sembiring, S.Th

Share this post

Leave a Reply

Your email address will not be published. Required fields are marked *


Kami sedang meningkatkan kualitas pelayanan kami, jangan sungkan untuk mencoba fitur chat botnya ya, Infoin kami ya supaya chat botnya semakin canggih. Selamat Mencoba