Pantun Karo ll Rakut Si Telu ll Pdt. Sada Kata Ginting ll Pdt. Daud

PANTUN KARO, RAKUT SI TELU

SENINA

Senina eme teman erbagi ibas susah ras senang ibas kegeluhen enda. Emaka arus kal ijaga hubungen, bagi pantun arah teruh enda:

Di ersenina arus metenget,

Sangkut ukur minter tersinget

Natap kecibal arus metenget

Cakap la payo ola ni inget

Bas la teng-teng ola mesimet

Persadan arih ola metahat

Kerna si kitik ola sempat rubat.

ANAK BERU

Kalimbubu arus nge terbeluh rukur ras arus pentar natap kecibal anak beru ibas kerina dampar keadaan nggeluh, bagi pantun arah teruh enda:

Man Anak Beru kita matami

Mindo ia ula simbaki

Bas dahinna la ipandangi

Kune salah minter embari

Si la teng teng iajari

Dahi lakonna ula tanggungi

KALIMBUBU

Kalimbubu arusna ipeganjang ras ihamati, bagi pantun i teruh enda:

Mehamat man kalimbubu

Bage kepe adatna tuhu

Arus kap kita nggeluh erlagu

Ola bagi jelma la erluhu

Jumpa sangap me kita tentu

Kerina gelah jadi sempabu.

(isadur arah buku Pdt. Sada Kata Ginting Suka, M.Th, Ranan Adat)