Klasis Medan Namo Rambe Ngaloken Bantuan Arah Gugus Tugas Covid GBKP.

Sikataken bujur man Tuhan Dibata erkiteken keleng ateNa la ersibar man banta manusia. Gia situasi doni genduari sangana berjuang melawan virus corona siberdampak la saja kubas ancamen kesehaten tapi pe ancamen ekonomi tapi cara Tuhan mpekena-kena, merawat kita tetap nge luar biasa. Ibas masa kesusahen akibat dampak Covid 19 enda Tuhan masih menggerakken pusuh anak-anakNa guna saling berbagi rejeki, si lit bas ia nampati temanna si sangana kesusahen. Janah salah sada geraken berbagi, berdiakonia enda ilakoken melala runggun ibas Klasis Medan Namorambe

Ibas tanggal 15 Juli 2020, jam 10.30 wib tepatna i kantor klasis Medan Namorambe, Moderamen GBKP alu mewakili Tim Gugus Covid GBKP nehken bantuan 1000 sak beras 10 Kg man ngawan perpulungen se Klasis Menara. Ibas acara penyerahen bantuan enda, sihadir mewakili Moderamen ras Gugus Covid GBKP eme Pdt. Rosmalia, Pdt. Dormanis ras wakil sekretaris Gugus Covid. Mewakili BPMK eme Pdt. Imamat Tarigan (Ketua) ras Pt. Terulin Sembiring (Bendahara),tambah pegawai. Janah Runggun-runggun sihadir eme: Rg. Pokok Mangga, Rg. Lau Cih, Rg. Jl. Bunga Lau, Rg. Namo Bintang, Rg. Griya Rumah Tengah, Rg. Tebing Ganjang, Rg. Batu Penjemuren, Rg. Gedung Johor, Rg. Jaba, Rg. Kuta Tengah, Rg. Nabrita, Rg. Namorambe, Rg. Tangkahen, Rg. Namo Pinang, Rg. Rampah.

Ibas acara pengendesen enda rende ertoto ibabai Pdt. Dormanis Pandia selaku Sekretaris Gugus Tugas Covid GBKP. Kenca sie ngerana me Pdt. Rosmalia Br Barus mereken bimbingen kerna covid ras nuriken kerna bantuan man ngawan perpulungen si terkena dampak Covid enda. Guna sie Pdt. Imamat Tarigan mewakili BPMK ras BPMR ngataken bujur ibas bantuan sini banci ialoken perpulungen i belang-belang Klasis Medan Namorambe enda. Penyerahen bantuan enda ialoken secara simbolik iwakili Rg. Pokok Mangga (Kota), Rg. Kuta Tengah (Semi Kota), Rg. Rampah (Kuta). Soal pembagin bantuan enda, BPMK ngaturken maka tiap runggun ngaloken 45 sak beras janah data enda hasil rekomendasi arah BPMR setempat. Kenca sie acara itutup alu pertoton ras foto bersama. (Pdt. Daud Sembiring)